Рой Жонс Тайсонга қарши баҳсдан кейин UFC афсонаси билан жанг қилмоқчи

Бокс бўйича тўртта вазн тоифаси собиқ чемпиони Рой Жонс яқин орада UFC собиқ чемпиони Андерсон Сильва билан жанг қилиши мумкин. Бу ҳақда шарҳловчи Деймон Мартин хабар қилди.

«Рой Жонснинг айтишича, агар Тайсонга қарши жанг кўнгилдагидек ўтадиган бўлса, у Андерсон Сильва билан бокс қоидалари бўйича жанг қилишга тайёр», — дейди Деймон.

Маълумот учун Андерсон Сильва MMA’да 46 та жанг ўтказиб, уларнинг 34 тасида ғалаба қозонган ва 11 бор мағлубиятга учраган. Яна бир беллашув натижаси бекор қилинган. У сўнгги жангини 2020 йилнинг 31 октябрида Юрайя Ҳоллга қарши ўтказиб, нокаутга учради. Бу бразилиялик яккакурашчининг MMA’даги сўнгги жанги эди.

Эслатиб ўтамиз, 54 ёшли Тайсон ва 51 ёшли Жонс ўртасидаги жанг Тошкент вақти билан 29 ноябрь тонги соат 08:00—09:00 оралиғида бошланади.

Майк Тайсон ва Рой Жонс ўртасидаги жангни бу ерда кўриш мумкин — ҳавола.