АҚШ президенти Дональд Трамп матбуот анжумани ўтказди ва Оқ уйни тарк этиш шартини маълум қилди. Бунинг учун 14 декабрь куни жамоавий сайловчилар Жо Байден учун овоз бериши керак, деб ёзмоқда Meduza.
The Guardian нашрининг ёзишича, Трамп бу баёноти орқали ўз мағлубиятини деярли тан олди. Энди эса ҳамма унинг баёнотини эмас, балки президент баёнот вақтида ўтирган кичкина столни муҳокама қилмоқда.
«Трамп: ‘Бу столнинг ўлчами тўғрими?’ Стол учун жавобгар йигит ўзини аранг тутган ҳолда: ‘Аҳа’».
«Ҳар куни Трамп администрациясидаги қандайдир партизан столни кичикроғига алмаштириб қўймоқда».
«Фарқни кўрмаяпман».
«Ручка йўқку».
«Трампнинг президентлигини шундай эслаб қоламиз: кичкина столдаги йиғлаётган бола».
Бу стол қаердан чиқди?
Трамп ўтирган кичкина стол ҳужжатлар имзолаш учун мўлжалланган одатий стол ҳисобланади. Бу стол ортида Обама, Буш, Клинтон, Рейган ва АҚШнинг бошқа президентлари бир неча марта ўтирган.
Бироқ Трампдан аввал бу стол ортида ўтирган президентларни ҳар доим одамлар ўраб турган — кичкина стол ҳам айнан шу мақсад учун керак. Хусусан, ҳужжатни имзолаш вақтида олинадиган суратга кўпроқ одам жойлашиши учун. Трамп эса нима учундир бу стол ортида ўтириб матбуот анжумани ўтказди ва бир ўзи ўтирди, шу сабабли кулгили эффект пайдо бўлди.
Трампнинг ўзи бундай стол ортида аллақачон ўтирган ва ҳатто ҳазил сифатида уни «болалар столи», у шу пайтгача кўрган энг кичик стол деб атаган.
Изоҳ (0)