AQSh prezidenti Donald Tramp matbuot anjumani o‘tkazdi va Oq uyni tark etish shartini ma’lum qildi. Buning uchun 14-dekabr kuni jamoaviy saylovchilar Jo Bayden uchun ovoz berishi kerak, deb yozmoqda Meduza.
The Guardian nashrining yozishicha, Tramp bu bayonoti orqali o‘z mag‘lubiyatini deyarli tan oldi. Endi esa hamma uning bayonotini emas, balki prezident bayonot vaqtida o‘tirgan kichkina stolni muhokama qilmoqda.
“Tramp: ‘Bu stolning o‘lchami to‘g‘rimi?’ Stol uchun javobgar yigit o‘zini arang tutgan holda: ‘Aha’”.
“Har kuni Tramp administratsiyasidagi qandaydir partizan stolni kichikrog‘iga almashtirib qo‘ymoqda”.
“Farqni ko‘rmayapman”.
“Ruchka yo‘qku”.
“Trampning prezidentligini shunday eslab qolamiz: kichkina stoldagi yig‘layotgan bola”.
Bu stol qayerdan chiqdi?
Tramp o‘tirgan kichkina stol hujjatlar imzolash uchun mo‘ljallangan odatiy stol hisoblanadi. Bu stol ortida Obama, Bush, Klinton, Reygan va AQShning boshqa prezidentlari bir necha marta o‘tirgan.
Biroq Trampdan avval bu stol ortida o‘tirgan prezidentlarni har doim odamlar o‘rab turgan — kichkina stol ham aynan shu maqsad uchun kerak. Xususan, hujjatni imzolash vaqtida olinadigan suratga ko‘proq odam joylashishi uchun. Tramp esa nima uchundir bu stol ortida o‘tirib matbuot anjumani o‘tkazdi va bir o‘zi o‘tirdi, shu sababli kulgili effekt paydo bo‘ldi.
Trampning o‘zi bunday stol ortida allaqachon o‘tirgan va hatto hazil sifatida uni “bolalar stoli”, u shu paytgacha ko‘rgan eng kichik stol deb atagan.
Izoh (0)