Samsung Galaxy А12 ва А02S тақдим этилди: катта сиғимли батареяга эга ҳамёнбоп смартфонлар
Samsung компанияси йил охирида ҳамёнбоп сегментини сиғими 5000 мА/соатга тенг аккумуляторлар ўрнатилган бирданига иккита смартфон орқали тўлдиришга қарор қилди, бироқ савдолар 2021 йилда бошланади, деб хабар беради Hi-Tech.Mail.ru.
GalaxyА12 HD+ сифатни қўллаб-қувватловчи 6,5 дюймли дисплей, пластик корпус ва ён томонда жойлашган бармоқ изи сканерига эга бўлган. Шунингдек, унинг тўртта камераси бор — асосийси 48 мегапиксел, 5 мегапикселли кенг бурчакли ва алоҳида макро модул ҳамда чуқурликни ўлчашга мўлжалланган 2 мегапиксел датчик.
Бироқ смартфоннинг ўзига хослиги унинг 5000 мА/соатли аккумуляторида, бунинг ёрдамида гаджет икки кун узлуксиз ишлай олади.
Galaxy А02S ҳам худди шундай 6,5 дюймли дисплей ва пластик корпусга эга бўлган, бироқ унда бармоқ изи сканери йўқ. Камераси ҳам бироз содда — 13 мегапикселли асосий ва 2 мегапикселдан иккита қўшимча сенсор. Аккумуляторга ўзгартириш киритилмаган, бироқ қувватлантириш учун эскирган microUSB разёмидан фойдаланилади.
Ушбу смартфонлар анонси ҳозирча фақат Европа бозорлари учун ўтказилган. Galaxy А12 3/32 гигабайт версияси январда 179 евродан, Galaxy А02S 3/32 гигабайт эса февраль ойида 150 евродан совутга чиқади.
Аввалроқ Samsung флагманларга хос техник жиҳатларга эга Galaxy S20 FE моделини тақдим этгани, шунингдек, интернетда Samsung Galaxy S21’нинг илк сифатли суратлари пайдо бўлгани тўғрисида хабар берилганди.
