Бразилия терма жамоаси собиқ ҳужумчиси Пеле аргентиналик собиқ футболчи Диего Марадонанинг ўлими ҳақида фикр билдирди.

Фото: Twitter

Бу жуда қайғули хабар. Мен қалин дўстимни йўқотдим, дунё эса афсонадан ажралди.

Жуда кўп гап айтиш мумкин, аммо ҳозир худодан унинг оиласига сабр сўрайман.

Умид қиламанки, бир кун келиб у билан самоларда бирга футбол ўйнаймиз.

Пеле, собиқ футболчи

Эслатиб ўтамиз, Марадона 25 ноябрь куни юрак хуружи оқибатида 60 ёшида вафот этди.

Марадона — 1960 йилнинг 30 октябрида Аргентинанинг Ланус шаҳрида туғилган. Футболчилик фаолияти мобайнида «Аргентинос Хуниорс», «Бока Хуниорс», «Барселона», «Наполи» ва «Севилья» каби номдор клубларда тўп сурган. Аргентина терма жамоаси билан 1986 йилги Жаҳон Чемпионати ғолиблигини қўлга киритган. «Наполи» сафида эса икки бор Италия чемпиони бўлган.

Марадона мураббийлик фаолияти давомида «Расинг», «Ал-Васл», «Ал-Фужайра» ва «Дорадос» каби клубларда, шунингдек, 2008—2010 йиллар мобайнида Аргентина терма жамоасида ишлаган. Унинг сўнгги жамоаси «Химнасия Ла-Плата» клуби эди, мутахассис 2019 йилдан буён ўша ерда фаолият юритаётганди.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!