Braziliya terma jamoasi sobiq hujumchisi Pele argentinalik sobiq futbolchi Diyego Maradonaning o‘limi haqida fikr bildirdi.
Bu juda qayg‘uli xabar. Men qalin do‘stimni yo‘qotdim, dunyo esa afsonadan ajraldi.Eslatib o‘tamiz, Maradona 25-noyabr kuni yurak xuruji oqibatida 60 yoshida vafot etdi.Juda ko‘p gap aytish mumkin, ammo hozir xudodan uning oilasiga sabr so‘rayman.
Umid qilamanki, bir kun kelib u bilan samolarda birga futbol o‘ynaymiz.
Pele, sobiq futbolchi
Maradona — 1960-yilning 30-oktabrida Argentinaning Lanus shahrida tug‘ilgan. Futbolchilik faoliyati mobaynida “Argentinos Xuniors”, “Boka Xuniors”, “Barselona”, “Napoli” va “Sevilya” kabi nomdor klublarda to‘p surgan. Argentina terma jamoasi bilan 1986-yilgi Jahon Chempionati g‘olibligini qo‘lga kiritgan. “Napoli” safida esa ikki bor Italiya chempioni bo‘lgan.
Maradona murabbiylik faoliyati davomida “Rasing”, “Al-Vasl”, “Al-Fujayra” va “Dorados” kabi klublarda, shuningdek, 2008—2010-yillar mobaynida Argentina terma jamoasida ishlagan. Uning so‘nggi jamoasi “Ximnasiya La-Plata” klubi edi, mutaxassis 2019-yildan buyon o‘sha yerda faoliyat yuritayotgandi.
Mavzuga doir:
- Maradonaning o‘limi sabab Argentinada 3 kunlik motam e’lon qilindi
- Diyego Maradona 23 yil avval futbol bilan xayrlashgandi, bugun esa... Argentinalik dahoning so‘nggi uchrashuvi
- “Onam meni eng zo‘ri deb hisoblaydi. Men esa hech qachon u bilan bahslashmayman”. Afsonaviy Diyego Maradona hayotidagi eng mashhur iqtiboslar
- Diyego Maradonaning o‘limi oldidan aytgan so‘nggi so‘zlari ma’lum bo‘ldi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)