25 ноябрда дунёдаги қазиб олинадиган нефтнинг тахминан 2 фоизи ҳамда тасдиқланган углеводород заҳираларининг тахминан 1 фоизга эгалик қилувчи жаҳондаги энг йирик вертикал бирлаштирилган нефть газ компанияларидан бири ПАО «ЛУКОЙЛ» ўзининг ташкил топган кунини нишонлайди.
1991 йилнинг айнан шу кунида Россияда Лангепас, Урай ва Когалимнинг учта йирик нефть қазиб олувчи корхоналарини ва бир нечта нефтни қайта ишловчи заводларни бирлаштирган «Лангепасурайкогалимнефть» нефть концерни ташкил этилган. «ЛУКОЙЛ» деб номланди – дастлабки ҳарфлар ушбу нефтчи шаҳарлар номининг дастлабки ҳарфлари ва «ойл» сўзи (ингл.«oil»-«нефть»).
Жадал иш суръатини намойиш этган «ЛУКОЙЛ» ташкил топган биринчи йилдаёқ фаол ва муваффақиятли фаолият юритишни бошлади ҳамда атиги бир йилдан сўнг нефть қазиб чиқариш даражаси бўйича дунёнинг учта энг йирик етакчиларидан бирига айланди.
Бугунги кунга келиб, «ЛУКОЙЛ» жаҳон нефть-газ саноатининг лидерларидан бири ҳисобланади. «ЛУКОЙЛ» нефть ва газ конларини аниқлаш, ер қаърини геологик тадқиқ этиш, қудуқлар бурғулаш, нефть ва газни қазиб олиш, ташиш ва қайта ишлаш ҳамда нефть маҳсулотлари ишлаб чиқаришда етакчилардан бири ҳисобланади. Бундан ташқари «ЛУКОЙЛ» кенг ассортиментдаги нефть маҳсулотлари, газни қайта ишлаш ва нефть кимёси маҳсулотларини тақдим этади ҳамда дунёнинг 25 мамлакатида нефть маҳсулотларининг улгуржи ва чакана савдосини амалга оширади. Компанияда бутун дунё бўйлаб 100 мингдан ортиқ одам ишлайди.
1994 йилда «ЛУКОЙЛ» Озарбайжоннинг Каспий секторида денгиз нефть конларининг Азери—Чираг—Гюнешли блогини ишлаб чиқишда қатнашиш орқали ўзининг халқаро фаолиятини бошлади. Бугунги кунда «ЛУКОЙЛ» дунёнинг турли регионларида ишлаш бўйича улкан тажрибага эга. «ЛУКОЙЛ»нинг халқаро лойиҳалари нафақат Россия, балки Марказий Осиё ва Яқин Шарқ регионлари, Европа ва Африка, Жанубий Америка ва Мексика ҳудудларини қамраб олади. Компанияга хавфсизлик, экология, қазиб олиш ҳамда иқтисодиёт нуқтаи назаридан энг самарали технологик ечимларни танлаш имконини тақдим этувчи бир неча йил давомида орттирилган иш тажрибаси Ўзбекистонда ҳам мувафаққиятли тарзда татбиқ этилмоқда.
2004 йилдан бошлаб, «ЛУКОЙЛ» компанияси ўз фаолиятининг таянч ҳудудларидан бири ҳисобланган Ўзбекистон нефть-газ соҳасида мувафаққиятли лойиҳаларни амалга оширмоқда. Компания аста-секинлик билан ҳудуддаги иштирокини кенгайтирган ҳолда Ўзбекистоннинг энг йирик хорижий инвесторига айланди. Ўтган вақт давомида Маҳсулот тақсимоти тўғрисидаги келишув (СРП)ни амалга ошириш учун 8 млрд доллар инвестиция киритди. Ўзбекистон Республикасининг «ЛУКОЙЛ» томонидан қазиб олинган газни реализация қилишдан олган даромади 4 млрд доллардан ортиқни ташкил қилмоқда.
«ЛУКОЙЛ Узбекистан Оперейтинг Компани» МЧЖ Ўзбекистон Республикаси ҳудудида қудуқларни ишлаб чиқиш ва қуриш, табиий газни қазиб олиш, тозалаш ҳамда қайта ишлаш бўйича лойиҳаларнинг Оператори ҳисобланади. СРП шартларига кўра «ЛУКОЙЛ» республика ҳудудида қазиб олинган газнинг бутун ҳажмини давлатга топширади.
«ЛУКОЙЛ» ишлаб чиқариш вазифаларини бажарган ҳолда, ўз иштироки билан ҳудудаги ижтимоий масалаларни ечишга ҳам ўз ҳиссасини қўшмоқда: янги иш ўринларини ташкил этмоқда, ҳудудларнинг инфратузилмасини ривожлантирмоқда, ижтимоий объектлар қурмоқда, хайрия лойиҳаларини амалга оширмоқда. «ЛУКОЙЛ»нинг лойиҳалари шарофати билан 3000 атрофидаги одам иш билан таъминланган. Ўзбекистоннинг таълим, маданият, спорт, соғлиқни сақлаш тизимларини ривожлантиришни қўллаб-қувватлашга юксак эътибор берилмоқда. Бугунги кунга келиб, хайрияга йўналтирилган маблағларнинг умумий ҳажми 25 млн доллардан ортди.
Яқинлашиб келаётган 2021 йилда «ЛУКОЙЛ» алоҳида аҳамиятга эга ҳодиса — 30 йиллик Юбилейини нишонлайди. «ЛУКОЙЛ» доимо олға ҳаракат қилган ҳолда янги марраларга эришади, янги лойиҳаларни амалга ошириш учун илғор тажрибалар, инновацион технологиялар ва зарур молиявий маблағларни қўлга киритади.
«ЛУКОЙЛ Узбекистан Оперейтинг Компани» МЧЖ матбуот хизмати
Реклама ҳуқуқи асосида.
Изоҳ (0)