Анжелина Жоли ҳарбий сураткаш Дон Маккаллин ҳақида «Асоссиз хатти-ҳаракатлар» ҳужжатли фильмини саҳналаштиради. Ушбу фильм 2017 йилда «Улар аввал отамни ўлдирган» драмасидан кейин унинг илк режиссёрлик лойиҳаси бўлади, деб ёзади «КиноПоиск».
Фильм Маккаллиннинг шу номдаги таржимаи ҳолига асосланган бўлиб, китоб «71» триллерининг сценарийси учун BAFTA номзоди бўлган Грегори Бурк томонидан тайёрланган.
Фильм сураткашнинг карьераси ва қандай қилиб қашшоқликдан дунёдаги энг хавфли уруш зоналарига ўтиб қолганини ўрганади. Сураткаш Маккаллин Вьетнам ва Камбожада The Observer, Sunday Times нашрларида ишлаб юрган кезлари оқ-қора суратлари билан танилган.
Картинага Том Харди ва унинг шериги Дин Бейкерга тегишли бўлган Working Title ва Hardy Son & Baker Producing компаниялари продюсерлик қилмоқда. Ҳозирча фильмда иштирок этувчи актёрлар таркиби, суратга олиш санаси ва бошқа тафсилотлар маълум қилинмаган.
Изоҳ (0)