UFC матбуот хизмати промоушен жангчиларининг янгиланган рейтингини эълон қилди.
Умумий рейтинг ўзгаришсиз қолди. Уни ҳамон енгил вазн чемпиони Ҳабиб Нурмагомедов бошқариб бормоқда.
Келиб чиқиши чеченистонлик бўлган Ҳамзат Чимаев илк бор рейтингдан ўрин олди. Ҳозирда Швеция номидан ҳаракат қилаётган яккакурашчи ярим ўрта вазн дивизиони рейтингининг 15-поғонасига жойлашди.
Шунингдек, ушбу вазн тоифасида Тайрон Вудли бир поғона юқорилаб (6) Демиан Майядан (7) ўзиб кетган бўлса, Энтони Петтис (12) бир йўла икки поғона юқорилади. Шунингдек, Чимаев қаторида Билол Муҳаммад (13) ҳам рейтингдан жой олди.
UFC’нинг 15 ноябрь кунги мусобақасида ғалаба қозонган Рафаэл дос Аньос енгил вазн рейтингига қайтди ва 7-ўринга жойлашди. Бу эса кўпчилик қатори россиялик яккакурашчи Ислом Махачевнинг бир поғона пастлашига сабаб бўлди. Эндиликда Ислом 13-ўринда бормоқда.Барча вазн тоифалари рейтинги билан ушбу ҳаволада танишиш мумкин.
Эслатиб ўтамиз, Чимаев навбатдаги жангини 19 декабрь куни рейтингнинг учинчи рақамли вакили Леон Альваресга қарши ўтказади. Бу ғалаба Ҳамзатни чемпион Камару Усмонга қарши жангга яқинлаштириши мумкин.
Изоҳ (0)