«Барселона»да фаолият юритадиган ходимлардан бири Лионель Месси клубни тарк этмагани ишчиларга ёқмагани ҳақида гапирди.
«Месси қолишга қарор қилганини эшитгандан кейин ғазабландик. Ҳамма ғазабда эди. Клуб Леонинг юқори маошини тўлай олиши учун айримлар ишдан бўшатилиши кераклигини билардик.
Мен Мессини яхши кўраман ва унинг клуб учун, жаҳон футболи учун қилган меҳнатларини қадрлайман. Аммо оиламни ва «Барселона»да ишлаш имкониятини ундан ҳам кўпроқ яхши кўраман», — дейди номи ошкор этилмаган клуб ходими.
Эслатиб ўтамиз, Месси август ойида каталонлар сафини тарк этиш ниятида эканини расман маълум қилди. Бироқ «Барселона» раҳбарияти уни текинга қўйиб юборишни истамади. Оқибатда 33 ёшли футболчи жамоа билан судлашишни истамади ва 2021 йилга қадар мўлжалланган шартномаси тугагунга қадар «Барселона»да қолишга қарор қилди.
Аргентиналик футболчи Ла Лига 2020/21 йилги мавсумида еттита ўйин ўтказиб, учта гол уришга эришди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)