Енгил вазн тоифасида UFC собиқ чемпиони Рафаэл дос Аньос (30-13) ирландиялик яккакурашчи Конор Макгрегорни (22-4) жангга чорлади.
Бразилиялик спортчи Тошкент вақти билан 15 ноябрь тонгида ўтган UFC Vegas 14 мусобақасида Пол Фелдерни (17-6) мағлубиятга учратди.
«Чемпионлик жанги учун кейинги навбатда турган билан беллашишни хоҳлайман. Агар Ҳабиб ҳақиқатда фаолиятини тугатган бўлса, у ҳолда бизнинг дивизион очиқ қолади.
Агар ҳақиқатга қарайдиган бўлсак, фақат мен ва Конор ҳақиқий чемпионлармиз, қолганлар эса фақат вақтинчалик бу унвонга эга бўлган. Бизнинг жанг аҳамиятга эга», — дейди дос Аньос.
UFC Vegas 14 мусобақасининг барча жангларини бу ерда томоша қилиш мумкин — Видео
Ўз навбатида икки вазн тоифасида UFC собиқ чемпиони Конор ҳам унинг чорловини қабул қилди.
«Биринчи навбатда Жастин, бироқ чорловни қабул қилишга тайёрман. Классикани ёдга оламиз», — дея ёзади Конор.
Макгрегор 23 январь кунги UFC 257 мусобақасида Дастин Порьега (26-6) қарши жанг қилади.
Эслатиб ўтамиз, 2016 йилнинг мартида Конор ва дос Аньос ўртасида жанг ўтказилиши режалаштирилган, бироқ Рафанинг жароҳати сабаб бу жанг бекор бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)