Португалия терма жамоаси ҳужумчиси Криштиану Роналду Миллатлар Лигаси 5-тури доирасида кечган баҳсда Франция дарвозасини ишғол қилолмади (0:1).
«Ювентус» ҳужумчиси Франция терма жамоасига қарши фаолиятидаги 6-ўйинни ўтказди. Роналду бу ўйинларнинг бирортасида ҳам тўп кирита олмади.
Бу Роналду фаолиятида (клуб ва терма жамоа миқёсида) бир жамоага қарши ўйинларда қайд этилган энг узун қуруқ серия бўлди.
Роналду Португалия терма жамоаси сафида умумий 102 та гол урган ҳолда Али Дайининг афсонавий рекордини (109) янгилашга яқин турибди.
Унинг жамоаси кейинги ўйинни 17 ноябрь куни Хорватияга қарши ўтказади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)