Британиялик аёл икки бошли ёмғир чувалчангини топиб олди ва уни гул тувагига кўчириб қўйди

Англияданинг Четнем шаҳрида истиқомат қилувчи аёл ўзининг боғидан икки бошли ёмғир чувалчангини топиб олиб, унга икки хил исм қўйди, деб хабар беради The Mirror.

8 ноябрь куни 56 ёшли Шерри Фокс ўзининг боғидан икки бошли чувалчанг топиб олган. Аёл уларга 1990 йиллар Буюк Бритаянида машҳурликка эришган комедияли сериалнинг қаҳрамонлари — Кевин ва Перри исмини қўйган.

Фокс Кевин ва Перрини гул тувагига кўчирган.

«Турмуш ўртоғим билан ёввойи табиат ишқибозимиз. Чумолилар ўз тухумларини қандай йиғаётганини ва уларни газонимиздаги тешикларга ташиётганини видеога олиб, узоқ вақт кузатамиз. Ер асаларилари ҳам кўплаб тешикларни ковлайди. Боғимизда игна ёстиқчасидагидан ҳам кўп тешик бўлса керак», — дейди Фокс.

У чувалчанглар видеоси ҳозиргидек ноаниқлик даврда одамларга бироз бўлса-да ҳайрат ва сеҳр улашади деган умидда. «У тувак тагидан ерга судралиб кетмаган деган умиддаман. Уни яна бир бор кўрсам, хурсанд бўлардим», — дейди аёл.

Олимларнинг маълумотларига кўра, чувалчанглар боши иккига бўлиниб кетса, уларнинг ҳар бири алоҳида ўсиб чиқиши мумкин.

Аввалроқ австралиялик эркак тутиб олган илон икки бошли илонни дунёга келтиргани тўғрисида хабар берилганди.