Россиянинг Санкт-Петербург шаҳрида қурилишда ишлаётган икки ўзбекистонлик ўртасида юзага келган низо бир ишчининг бошқа бир одамни пичоқлаб ўлдиришига олиб келди. Бу ҳақда «78.ru» хабар тарқатган.
Хабарга кўра қотиллик шаҳардаги Москва туманининг Среднерогатской кўчасида қад ростлаётган турар жой комплекси ҳудудида содир бўлган.
2020 йил 10 ноябрь куни маҳаллий вақт билан 23:40 ларда 46 ёшли Ўзбекистон фуқароси спиртли ичимликлар таъсирида, маст ҳолатда ўзи билан бирга маишат қилган 41 ёшли ўзбекистонлик шериги билан жанжаллашган ва уни пичоқлаб қўйган. Жабрланувчи вафот этган.
Гумонланувчи қўлга олинган, пичоқ ашёвий далил сифатида расмийлаштирилган. Қотиллик юзасидан жиноят иши очилган ва гумонланувчи қамоқда сақланмоқда.
Аввал Россия 2016 йилда Истанбулда содир этилган қотилликда айбланаётган Ўзбекистон фуқаросини Туркияга топширгани, Грузияда хакерлик қилиб, 3000 долларга яқин пулни ўзлаштирган Ўзбекистон фуқароси қўлга олингани ҳақида хабарлар берилган.