Макгрегор ва Порье ўртасидаги жанг бекор қилишини мумкин. UFC Конорга бошқа рақиб таклиф қилмоқда

Икки вазн тоифасида UFC чемпиони Конор Макгрегор ва Дастин Порье ўртасидаги реванш жанги бекор қилиниши мумкин. Бу ҳақда ESPN журналисти Ариэл Ҳелвани хабар қилди.

«Манбаларнинг хабар қилишича, Конор ва Порье ўртасидаги жанг тасдиқланмаган. Шартнома ҳали имзоланмаган.

Муаммо Конорда эмас. У ҳақиқатда фаолиятини қайта тикламоқчи. Сабаб ўша, Порье ва Фергюсон ўртасидаги жангнинг ўтишига йўл қўймаган нарса. Менимча, Порье ўзи учун фойдали шартнома имзолаш ниятида ва музокаралар боши берк кўчага кириб қолган. Бу жангчиларга хос бизнес.

UFC’дагиларнинг айтишича, агар Макгрегор розилик берса, Порьенинг ўрнини Жастин Гэтжи эгаллаши мумкин», — дейди Ҳелвани.

Макгрегор ва Порье ўртасидаги жанг 23 январь куни бўлиб ўтиши режалаштирилган.

Эслатиб ўтамиз, Порье ва Тони Фергюсонга ўртасидаги жанг 24 октябрь санасида бўлиб ўтиши эълон қилинганди. Бироқ Дастин гонорарнинг камлиги сабаб бу жангдан воз кечганди.