Бугун 5 ноябрь – дунёнинг машҳур Останкино телеминораси туғилган кун. «Дарё» сана муносабати билан фотожамланма ва қизиқарли маълумотлар билан таништиради.
1957 йилда СССРда Останкино телевизион минорасини қуриш учун Бутуниттифоқ бўйлаб танлов ўтказилган эди. Натижалари эса орадан бир йил ўтиб эълон қилинди. Унда лойиҳани архитекторлар Леонид Баталов, Дмитрий Бурдин ва дизайнер Николай Никитинлар амалга ошириши маълум бўлди.
1960 йилнинг ёзидан минорани қурилиши бошланди, лекин бир йилдан сўнг пойдеворни ишончли эканига шубҳа туғилди. Алоқа вазири минорани қуриш лойиҳасини тасдиқлашдан олдин кўплаб йирик йирик тажрибалар ва текширувлар ўтказди. Бинонинг тантанали равишдаги очилиш маросими 1964 йилнинг 22 апрелида бўлиб ўтган.
5 ноябрда минора туғилган кунини нишонланиши сабаби эса 1967 йил 5 ноябрда Давлат комиссияси Останкино телеминорасини фойдаланишга топшириш тўғрисидаги актни имзолаган. Акт имзоланган сана эса унинг туғилган куни ҳисобланади.
Шу куни тўртта телекўрсатувлар ва учта радиоэшиттириш программалари эфирга узатилди. Минорадаги қурилиш 1968 йил 26 декабргача давом этди. Баландлиги бўйича Торонтодаги Си-Эн-Тауэрдан кейин 2-ўринда туради. Останкино телеминорасини умумий баландлиги 540 метрни ташкил қилади. Минора 45 қаватдан иборат бўлиб, ўнлаб доирасимон майдонлар ва балконларга эга. 328–334 метр баландликда «Еттинчи осмон» номли ресторан бор. Рестораннинг айлана шаклидаги иморати 40 минут давомида бир марта ўз ўқи атрофида айланиб чиқади.
Минора қурувчилари Останкинонинг 300 йиллик умрини башорат қилган эди. Табиий офатлар эса унга зарар бермай қолмади. У иккита довулдан омон қолди, аммо 2000 йил 27 августда содир бўлган ёнғин унга катта зарар етказди.
Ёнғиндан сўнг миноранинг ички тузилмаларини тиклаш ва унинг жиҳозларини модернизация қилиш билан боғлиқ ишлар олиб борилди. Бугунги кунда у ерда юқори даражадаги ҳимояланган хавфсизлик тизими таъминланган.
Ҳозирда мазкур телеминорада 40 дан ортиқ теле ва радиоканаллар трансляциялари амалга оширилади. Ва албатта, мазкур бинога чиққан одамлар шаҳарнинг мафтункор манзараларини томоша қилиш имкониятига эга. Сиз эса қуйидаги фотожамланма орқали ўзингизни минора бўйлаб саёҳатга боргандек ҳис қилинг!
Изоҳ (0)