Япониялик дизайнер Lamborghini Aventador S’ни арт-объектга айлантирди (фото)

Lamborghini компанияси ташқи кўриниши устида таниқли япон дизайнери Ёдзи Ямамото ишлаган янги Aventador S —Yamamoto суперкари версиясини тақдим этди. Қора кузов дизейнер учун «холст» вазифасини ўтаган, деб ёзади Motor.

Aventador S’нинг Ямамото услубидаги махсус версиясини яратиш ғояси италян маркаси бош дизайнери Мите Боркетру томонида илгари сурилган. Бу каби қарорга у япониялик рассомнинг Париждаги коллекциясини кўргандан сўнг келган. Бош дизайнер қора, оқ ва қизил ранглар контрастидан ҳайратга тушган. Ямамото суперкар тақдимотига палто, куртка ва худди («капюшон») каби кийим-кечак коллекциясини ҳам тайёрлаган. Улар ҳам худди купе услубида безатилган — қизил ва оқ ранглар ва Lamborghini логотипи остидаги имзо билан.

Арт-объектга айлантирилган Aventador S Токиода Lamborghini Lounge’нинг очилиш маросимида тақдим этилди — бу Италия маркасининг тақдимот ўтказадиган дунёдаги иккинчи масканига айланди (Нью-Йоркдан кейин). Шунингдек, у ерда Аd Personam дизайнерлик студияси ҳам жойлашган бўлиб, мижозлар ўзларининг Lamborghini’ларига ўзгартириш киритиши мумкин.

Aventador S 740 от кучи ва 690 Нм айланувчи моментни тақдим этишга қодир 6,5 литрли V12 атмосфера мотори ёрдамида ҳаракатга келади. Двигатель етти поғонали роботлаштирилган узатмалар қутиси ёрдамида бошқарилади. Суперкар соатига 100 километр тезликка уч сонияда эришади, максимал тезлиги — 350 км/соат.