А Серия. «Рома» 6 та гол урилган ўйинда «Милан»нинг ғалабали сериясига нуқта қўйди
Футбол бўйича Италия А Сериясининг 5-турида «Милан» ва «Рома» жамоалари 26 октябрь, душанба куни ўзаро баҳсга киришди.
Учрашувнинг 2-дақиқасидаёқ Златан Ибрагимович миланликларни олдинга олиб чиққан бўлса, 14-дақиқада Эдин Жеко рақиб дарвозабонининг хатосидан унумли фойдаланиб ҳисоб тенглаштирди.
Иккинчи бўлимнинг ҳам иккинчи дақиқаси Милан шаҳри жамоаси учун омадли кечди. Алексис Салемакерс қанотдан узатилган тўпни дарвозага аниқ йўналтирди. Бунга римликлар 71-дақиқада пенальтидан урилган гол билан жавоб берди.
79-дақиқада энди «Рома» дарвозаси томон пенальти белгиланди, уни Ибрагимович муваффақиятли ижро этди. 84-дақиқада Мараш Кумбула меҳмонларнинг учинчи голини уриб, мувозанатни тиклади.
Шу тариқа мавсумда илк бор очко йўқотган «Милан» 13 очко билан биринчи ўринда қолди. «Рома» (8) эса 9-поғонада бормоқда.
А Серия
5-тури баҳси
26 октябрь, душанба
«Милан» — «Рома» 3:3
Голлар: 1:0 – 2 Ибрагимович, 1:1 – 14 Жеко, 2:1 – 47 Салемакерс, 2:2 – 71, пенальти Верету, 3:2 – 79, пенальти Ибрагимович, 3:3 – 84 Кумбула.«Милан»: Тетерушану, Романьоли, Калабрия, Кер, Тео, Чалхонўғлу, Салемакерс (Крунич, 72), Беннасер, Кессиэ, Ибрагимович, Рафаэл Леау (Кастильехо, 72).
«Рома»: Миранте, Спинаццола, Рожер, Манчини, Карсдорп (Бруно Перес, 66), Мхитарян, Пеллегрини (Кристанте, 76), Педро, Верету (Вильяр, 86), Кумбула, Жеко.
Огоҳлантиришлар: Рафаэл Леау (70), Ибрагимович (75), Педро (77), Кристанте (81), Тео (82).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
