Louis Vuitton Moet Hennessy (LVMH) компаниялар гуруҳи раҳбари ва Бернар Арно бойлиги 122 миллиард доллардан ошди. Forbes’нинг ёзишича, сўнгги ҳафтада LVMH акциялари кўтарилиши шароитида франциялик тадбиркор 8 миллиард долларга бойиди ва дунёнинг энг бой одамлари рейтингида иккинчи ўринни эгаллади.
Хабарда айтилишича, 15 октябрдан 22 октябргача LVMH акциялари 6 фоизга ўсган. Мутахассисларнинг фикрича, Louis Vuitton ва Dior савдолари юқори бўлиши компания акцияларининг ўсишига маълум даражада ёрдам берган.
Сўнгги йилларда Бернар Арно бир неча бор дунёдаги энг бой одамга айланган. Аммо коронавирус пандемияси шароити ва COVID-19’га қарши курашиш учун турли мамлакатларда кўплаб чекловлар жорий этилгани туфайли етакчилигини йўқотаверган. 2020 йил январида у дунёнинг энг бой одамлари рейтингида Amazon асосчиси Жеф Безосни ортда қолдириб биринчи ўринни эгаллаганди.
Айни пайтда Forbes миллиардерлар рейтингида Арно Жеф Безосдан кейин иккинчи ўринда. Ундан кейинги ўринни Microsoft асосчиси Билл Гейтс эгаллаган.
Изоҳ (0)