Louis Vuitton Moet Hennessy (LVMH) kompaniyalar guruhi rahbari va Bernar Arno boyligi 122 milliard dollardan oshdi. Forbes’ning yozishicha, so‘nggi haftada LVMH aksiyalari ko‘tarilishi sharoitida fransiyalik tadbirkor 8 milliard dollarga boyidi va dunyoning eng boy odamlari reytingida ikkinchi o‘rinni egalladi.
Xabarda aytilishicha, 15-oktabrdan 22-oktabrgacha LVMH aksiyalari 6 foizga o‘sgan. Mutaxassislarning fikricha, Louis Vuitton va Dior savdolari yuqori bo‘lishi kompaniya aksiyalarining o‘sishiga ma’lum darajada yordam bergan.
So‘nggi yillarda Bernar Arno bir necha bor dunyodagi eng boy odamga aylangan. Ammo koronavirus pandemiyasi sharoiti va COVID-19’ga qarshi kurashish uchun turli mamlakatlarda ko‘plab cheklovlar joriy etilgani tufayli yetakchiligini yo‘qotavergan. 2020-yil yanvarida u dunyoning eng boy odamlari reytingida Amazon asoschisi Jef Bezosni ortda qoldirib birinchi o‘rinni egallagandi.
Ayni paytda Forbes milliarderlar reytingida Arno Jef Bezosdan keyin ikkinchi o‘rinda. Undan keyingi o‘rinni Microsoft asoschisi Bill Geyts egallagan.
Izoh (0)