АКТ вазирлиги қошида медиа-клуб ташкил этилди. Вазирнинг журналист ва блогерлар билан илк норасмий учрашуви — суратларда

Лойиҳа бўйича бу ерда жами 17 та иморат, жумладан, 20-25 қаватли офис бинолари, 22 қаватли меҳмонхона, университет, конференциялар зали, коворкинг маркази ва бошқа объектлар барпо қилинади. Ер остида 3 қаватли автотураргоҳ қурилади, ҳудудда қаҳвахона ва ресторанлар, дўконлар, масжид, спорт майдонлари, дам олиш жойлари ҳам бўлади.Вазирнинг таъкидлашича, мажмуа фаолиятининг асосий мақсади ёш дастурчилар, ўсиб келаётган истеъдодларни қўллаб-қувватлаш, ўз ғояларини, ИТ-лойиҳаларини амалга ошириши учун кўмаклашишдан иборат.Шуҳрат Содиқов ИТ-парк ҳамда вазирлик фаолияти бўйича саволларга жавоб бераркан, ОАВ ва блогерлар учун ҳамиша очиқлигини билдириб, шу мақсадда АКТ қошида медиа-клуб ташкил қилинганлигини эълон қилди. Учрашувдан сўнг вазир иштирокида фойдаланишга топширилган бинолар ва қурилиш ишлари кетаётган объектларга экскурсия уюштирилди.