AKT vazirligi qoshida media-klub tashkil etildi. Vazirning jurnalist va blogerlar bilan ilk norasmiy uchrashuvi — suratlarda

Loyiha bo‘yicha bu yerda jami 17 ta imorat, jumladan, 20-25 qavatli ofis binolari, 22 qavatli mehmonxona, universitet, konferensiyalar zali, kovorking markazi va boshqa obyektlar barpo qilinadi. Yer ostida 3 qavatli avtoturargoh quriladi, hududda qahvaxona va restoranlar, do‘konlar, masjid, sport maydonlari, dam olish joylari ham bo‘ladi.Vazirning ta’kidlashicha, majmua faoliyatining asosiy maqsadi yosh dasturchilar, o‘sib kelayotgan iste’dodlarni qo‘llab-quvvatlash, o‘z g‘oyalarini, IT-loyihalarini amalga oshirishi uchun ko‘maklashishdan iborat.Shuhrat Sodiqov IT-park hamda vazirlik faoliyati bo‘yicha savollarga javob berarkan, OAV va blogerlar uchun hamisha ochiqligini bildirib, shu maqsadda AKT qoshida media-klub tashkil qilinganligini e’lon qildi. Uchrashuvdan so‘ng vazir ishtirokida foydalanishga topshirilgan binolar va qurilish ishlari ketayotgan obyektlarga ekskursiya uyushtirildi.