Huawei компанияси нафақат Маtе 40 смартфонлари линейкаси, балки кўплаб бошқа гаджетлар тақдим этилган кенг кўламли тақдимотни ўтказди, деб хабар беради Hi-Tech.Mail.ru.

Фото: Hi-Tech.Mail.ru

Huawei тизимида деярли барча нарса смартфонларга боғлиқ, шу сабабли янги флагманлар асосий анонсга айланган. Тақдимотда бирданига тўртта модель намойиш этилди — базавий Маtе 40, такомиллашган Маte 40 Prо, премиум Маtе 40 Prо+ ва корпуси қиммат материалдан ишланган люкс Маtе 40 RS.

Флагманларнинг барчасини ягона дизайн ва Кirin процессори — Android смартфонларга ўрнатилган илк 5 нанометрли технологик жараёнли чиплар бирлаштириб туради.

Шунингдек, Huawei ўзининг тўлиқ ўлчамли FreeBuds Studio наушникларини ҳам тақдим этган. Компания студиядагидек овоз сифати ва шовқинни сўндирувчи янги динамик тизимини ваъда қилмоқда. Наушниклар симсиз бўлиб, унга келадиган сигнал доимо барқарор қолиши учун уларга иккиталик антенна ўрнатилган.

Фото: Hi-Tech.Mail.ru

Наушниклар бир марта қувватланиш орқали 24 соатгача ишлай олади, агарда шовқинни сўндирувчи функция ишга туширилса, унинг автономлиги 20 соатга етади. Шу билан бирга, қурилма тезкор қувватланиш функциясига эга — 10 дақиқалик қувватлантиришдан сўнг, у яна 8 соат ишлаши мумкин. Қурилма нархи — 299 евро.

Фото: Hi-Tech.Mail.ru

Компания акустика мавзусини ривожлантириш мақсадида Devialte компанияси билан ҳамкорликда яратилган Huawei Sound колонкасини ҳам тақдим этди. Колонка ичидан 5 ваттли учта тўлиқ диапазонли динамиклар ўрин олган, улардан бири 40 ваттли паст частотали. Бу жуда катта хонани ҳам ҳажмли овоз билан таъминлашга етади. Колонка нархи — 199 евро.

Фото: Hi-Tech.Mail.ru

Фото: Hi-Tech.Mail.ru

Шунингдек, Huawei «ақлли» Gentle Monster Eyewear II кўзойнакларини ҳам тақдим этган. Бу мусиқа эшитиш ва телефон орқали гаплашиш имконини берадиган аксессуар ҳисобланади. Шу билан бирга, унга атрофдаги шовқинларни кесадиган махсус тизим ҳам ўрнатилган. «Ақлли» кўзойнак нархи 299 доллар.

Фото: Hi-Tech.Mail.ru

Аввалроқ янги Huawei Маtе 40 Prо+ смартфонининг камераси Galaxy Note20 Ultrа ва iPhone 11 Prо Мах’ники билан ўзаро таққослангани тўғрисида хабар берилганди.