Меҳмонхона фожиаси ва йўқолиб бораётган дунё пойтахти — Стенин халқаро фотосуратлар танлови ғолиблари аниқланди (фото)

Андрей Стенин номидаги халқаро фотожурналистика танловининг 2020 йилги ғолиблари эълон қилинди. Гран-при совриндори испаниялик фотосуратчи Луис Тато авваллари ҳам бир неча маротаба лауреатлар қаторидан жой олган, аммо ҳар йили у ўзи учун машаққат, ўқиш ва ривожлантириш имкониятини ҳисобга олиб, танловда иштирок этиш учун қайта мурожаат қилади.

Танловнинг асосий мукофотига сазовор бўлган Луси Татонинг «Dusit D2 меҳмонхонасидаги террористик ҳужум» деб номланган кадрида 2019 йил январь ойида Найробида содир бўлган фожиали воқеа акс этган.

«Асосий янгиликлар» номинацияси бўйича британиялик Линзи Биллинг талабгорлар орасида «Дафн этилган адолат» номли сурати билан ғолибликни қўлга киритди.

«Асосий янгиликлар» номинациясининг яна бир ғолиби француз Жофре Гиймарнинг «Жанубий чегара» деб номланган суратида «Америка орзуси»да бўлган Марказий Америка, Гаити, Африка ва Кубадан келаётган муҳожирларнинг узоқ сафари тасвирини кўриш мумкин.

«Менинг сайёрам» номинацияси бўйича калкутталик мухбир Сумита Саня қуруқликни аста-секин қайтариб олаётган денгиз акс этган «Ён томонда ҳаёт» – Мусуни ороли аҳолисига бағишланган сурати билан ғолиб деб топилди.

«Менинг сайёрам» номинацияси кетма-кетликлар қаторида Сергей Паршуков «Йўқолиб бораётган дунё пойтахти» сурати билан ютуқни қўлга киритди.

«Портрет. Замонамиз қаҳрамони» номинациясининг ягона тоифасида россиялик Юрий Смитюкнинг «Врангель ороли» сурати ғолиб бўлди.

Ҳакамлар ҳайъати томонидан италиялик журналист Данило Гарсия Ди Меони «Портрет. Замонамиз қаҳрамони» номинациясида «Кватрани. Зилзила болалари» деб номланган ижодий иши ғолибликка лойиқ кўрилди.

Турк фотосуратчиси Шебнем Кошкуннинг қаҳрамон фридрайвер Сахик Эркуменнинг Гилиндер ғоридаги машқи акс этган сурати спорт номинацияси бўйича энг яхшиси деб топилди.

Спорт номинацияси бўйича ғалабани россиялик журналист Павел Полков артиллерия пулемётидаги ёнғиндан мўъжизавий тарзда омон қолган Алексей Талай ҳақида фото-ҳикояси билан қўлга киритди.

Жанубий африкалик фотосуратчи Жон Весселсга тегишли «Эбола: ДР Конго» сурати Халқаро Қизил Хоч қўмитасининг «Гуманитар фотосуратлар учун» махсус мукофотига сазовор бўлди.

«Бразилияда қора оқим» сурати фотожурналист Леонардо Малафайя Альвесга Ал Майадин телеканалининг «Асосий янгиликлар» номинацияси бўйича махсус мукофотини олиб келди.