Бугун,

  • USD 11095.31
  • RUB 173.84
  • EUR 10772.44

Фавқулодда вазиятлар бўйича Америка федерал агентлиги (FEMA) Россия коронавирусга қарши кураш учун «гуманитар ёрдам» сифатида АҚШга юборган 45 та «Авента-М» сунъий нафас олдириш аппаратини утилизация қилди, деб хабар бермоқда Meduza.

Фото: «РИА Новости»

Фото: «РИА Новости»

FEMA расмий вакили BuzzFeed News’га маълум қилишича, сунъий нафас олдириш аппаратлари «хавфли чиқиндиларни утилизация қилиш бўйича қатъий норматив талабларга мувофиқ» утилизация қилинган. Бу қачон бўлиб ўтганлигига аниқлик киритилмаган.

Аппаратлар АҚШда ишлатилмаган ҳам. Биринчидан, улар қўлланилган Москвадаги иккита касалхонада ёнғинлар содир бўлган. Иккинчидан, бошқача кучланиш даражасига мослашгани сабабли: аппаратлардан адаптерларсиз фойдаланиб бўлмасди, Америка клиникаларида эса улар йўқ эди.

Сунъий нафас олдириш аппаратлари ва бошқа тиббий маҳсулотлар ортилган самолёт Россиядан АҚШга апрель бошида учган эди. Кремль буни «гуманитар хусусиятга эга ёрдам» деб атади.

Маълумот учун, «Авента-М» сунъий нафас олдириш аппаратлари 2020 йилнинг 1 апрелидан бошлаб ишлаб чиқарилган. Ундан Москва ва Санкт-Петербург касалхоналарида фойдаланилган бўлиб, 9 ва 12 май куни жами 7 нафар беморнинг умрига зомин бўлган ёнғин содир бўлганди. Воқеадан сўнг Росдравнадзор 12 майдан бошлаб тергов жараёни давомида ушбу аппаратлардан фойдаланишни вақтинчалик чеклаган.

Май ойида Ўзбекистонда фойдаланилаётган «Авента-М» сунъий нафас олдириш аппаратлари синовдан ўтказилган ва эътирозга сабаб бўлувчи ва ҳеч қандай салбий жиҳатлари қайд этилмаган эди.

Изоҳ
Asosiy yangiliklar
Маданият
Демет Ўздемир янги лойиҳада суратга тушади, Иброҳим Челиккол эски уйига кўчиб ўтди. Турк киноси янгиликлари
Спорт
Бразилия етакчи, Франция — 2, Аргентина 5-ўринда. The Guardian ЖЧ—2022 фаворитлари рўйхатини эълон қилди
Спорт
Криштиану Роналду ЖЧ—2022 вақтида Португалия терма жамоаси базасини тарк этмоқчи бўлган