Олимларнинг таъкидлашича, айрим маҳсулотларни мунтазам истеъмол қилиш кўкрак бези саратони хавфини камайтириши мумкин. Анор, ёнғоқ, дуккакли экинлар ва ушбу хавфли касалликнинг олдини оладиган бошқа маҳсулотлар билан танишинг ҳамда уларни рационга киритишга шошилинг.
Қўзиқорин
Мутахассислар томонидан олиб борилган тадқиқотлар шуни аниқладики, қўзиқоринларни мунтазам истеъмол қилиш аёлларда юз берадиган менопаузадан олдинги даврда пайдо бўлувчи кўкрак бези саратони хавфини камайтиради. Сабаби қўзиқорин таркибида антиоксидантлар тўплами мавжуд.
Брокколи
Мичиган университети олимларининг изланишларига кўра, брокколи таркибида саратонга қарши антибактериал таъсирлари билан машҳур органик бирикма – сульфарофаннинг рекорд миқдори мавжуд.
Анор
Анор эллагик кислотага бой, у кучли антиоксидант бўлиб, кўкрак бези саратонини келтириб чиқарадиган ферментни тўхтатиши мумкин. Шунингдек, анор организмда юрак хасталикларига қарши курашишда ҳам ёрдам берадиган антиоксидантлар манбайи ҳисобланади. Шунинг учун аёлларга ҳар куни ярим бўлак анор ёки бир стакан анор шарбати ичиш тавсия этилади.
Ясмиқ
3500 дан ортиқ аёл иштирок этган тадқиқотда дуккакли маҳсулотларни доимо тановул қилганлар кўкрак бези саратонига чалиниш хавфи камайганлиги аниқланган. Ушбу тадқиқотда ясмиқ энг яхши натижани кўрсатган. У кўплаб озиқ моддаларга, айниқса, тола ва фолатга бой.
Ёнғоқ
Сўнгги маълумотларга кўра, кунига 60 грамм ёнғоқ истеъмол қилиш кўкрак бези саратони ва бошқа ўсмалар ривожланишига тўсқинлик қилиши мумкин. Ушбу маҳсулотда саратон ҳужайраларининг ўсишини секинлаштириши исботланган омега-3, антиоксидантлар ва кўп миқдорда фитостерол мавжуд.
Изоҳ (0)