«Ўзбекистон 24» телеканалида Бухоро вилояти Қоракўл туманида истиқомат қилувчи фуқаро қўлбола усулда дельтаплан ясагани тўғрисида хабар берилди. Туман ҳокимлиги матбуот хизматининг маълум қилишича, ушбу учиш мосламаси Тошкент шаҳрида ясалган.
Видеодан кўриш мумкинки, учувчи дельтаплан ёрдамида автомобиль йўлида ҳаракатланиб, сўнг ҳавога кўтарилган.
Қоракўл туман ҳокимлигининг маълум қилишича, ушбу восита мотодельтаплан бўлиб, Тошкент шаҳридаги «Агропарвоз» МЧЖ томонидан тайёрланган.
«Унинг вазифаси қишлоқ хўжалиги майдонларини тезкорлик ва бир вақтнинг ўзида дефоляция қилишдан иборат. Ҳозирги вақтда мазкур мотоделтапландан «Агропарвоз» МЧЖ командири Шерали Жабборов раҳбарлигида Қоракўл тумани ҳокимлиги ва ИИБ ходимлари назоратида пахта майдонларини дефоляция қилишда фойдаланилмоқда», — дейилади хабарда.
Изоҳ (0)