“O‘zbekiston 24” telekanalida Buxoro viloyati Qorako‘l tumanida istiqomat qiluvchi fuqaro qo‘lbola usulda deltaplan yasagani to‘g‘risida xabar berildi. Tuman hokimligi matbuot xizmatining ma’lum qilishicha, ushbu uchish moslamasi Toshkent shahrida yasalgan.
Videodan ko‘rish mumkinki, uchuvchi deltaplan yordamida avtomobil yo‘lida harakatlanib, so‘ng havoga ko‘tarilgan.
Qorako‘l tuman hokimligining ma’lum qilishicha, ushbu vosita motodeltaplan bo‘lib, Toshkent shahridagi “Agroparvoz” MChJ tomonidan tayyorlangan.
“Uning vazifasi qishloq xo‘jaligi maydonlarini tezkorlik va bir vaqtning o‘zida defolyatsiya qilishdan iborat. Hozirgi vaqtda mazkur motodeltaplandan “Agroparvoz” MChJ komandiri Sherali Jabborov rahbarligida Qorako‘l tumani hokimligi va IIB xodimlari nazoratida paxta maydonlarini defolyatsiya qilishda foydalanilmoqda”, — deyiladi xabarda.
Izoh (0)