Лимон, банан, куркума каби маҳсулотлар профессионал кремлардан кам бўлмаган таъсирга эга. Ёш кўринишни истаганларга табиий маҳсулотлардан ниқоб тайёрлаш тавсия қилинади.
Шоколадли ниқоб
Антиоксидантларга бой экани сабаб ҳам шоколади ниқобдан кейин тери тиниқ кўринади. Бунинг учун ярим стакан какао кукуни, 3 ош қошиқ сули ёрмаси, 4 қошиқ қаймоқ ва 2 ош қошиқ асал керак бўлади. Барча маҳсулотларни аралаштиринг ва терига суртинг. 10 дақиқадан кейин илиқ сувда ювиб ташланг.
Тухум оқидан тайёрланадиган ниқоб
Мазкур ниқоб пораларни тозалашда ва юздаги тошмаларда самара беради. Бунинг учун биргина тухум оқи керак бўлади. Юзингизга суртинг ва бироздан кейин ювиб ташланг.
Қаҳва ва куркумали ниқоб
Қаҳва ва куркумали ниқоб яллиғланишни камайтиради, куркума таркибидаги антиоксидантлар эса терини гўзал кўринишига сабабчи бўлади. Бунинг учун 1 ош қошиқ майдаланган қаҳвага, 1ош қошиқ куркума кукуни ҳамда 1 ош қошиқ қатиқ қўшинг. Аралашмани юзингизга суртиб, 20 дақиқадан кейин нам сочиқ билан артиб ташланг.
Бананли ниқоб
Озуқа моддаларига бой экани сабаб банандан тайёрланган ниқоб терини намлантириш хусусиятига эга. Бунинг учун банан бўлакларига йогурт ёки қатиқ қўшиб аралаштиринг, ярим қошиқ лимон шарбати қўшинг. Ниқобни юзга айланма ҳаракатлар билан суртинг. 30 дақиқадан кейин ювиб ташланг.
Асалли ниқоб
Юзида пигмент доғлар бўлганлар учун асалли ниқоб айни муддао. Бунинг учун 1 чой қошиқ асалга, ярим чой қошиқ лимон шарбати қўшинг. Аралашмани юзингизга суртиб 20 дақиқадан кейин ювиб ташланг.
Изоҳ (0)