«Манчестер Юнайтед» ижрочи директори Эд Вудворд жамоа бош мураббийи Оле-Гуннар Сульшерни ишдан бўшатиши мумкин, деб хабар берди Mirror.
Манбага кўра, агар яқин орада клубнинг натижалари яхши томонга ўзгармайдиган бўлса, Вудворд мутахассис «Манчестер Юнайтед» афсонаси бўлишига қарамай, уни ортиқча тортинишсизлар лавозимидан четлатмоқчи.
Сульшер кетган тақдирда ушбу лавозим учун асосий даъвогар «Тоттенҳэм» собиқ бош мураббийи Маурисио Почеттино эканлиги таъкидланмоқда.
Норвегиялик мутахассис 2018 йилдан бери жамоани бошқариб келмоқда.
Почеттино 2014—2019 йилларда «Тоттенҳэм»ни бошқарган. «Шпорлар» аргентиналик мутахассис қўл остида Англия Лига Кубоги ва Чемпионлар Лигаси финалига қадар етиб борганди.
«Манчестер Юнайтед» Англия чемпионатининг 3-туридан сўнг 3 очко билан турнир жадвалининг 16-поғонасида бормоқда. Жамоа кейинги турда «Ньюкасл» билан тўқнаш келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)