«Манчестер Юнайтед» ярим ҳимоячиси Хуан Мата жамоасини тарк этиши мумкин.
Испаниялик футболчи Саудия Арабистони клубидан йилига 15 миллион евро маошга эга таклиф олган, дея хабар қилмоқда инсайдер Иэн Макгерри.
Футболчи ҳозирча бир қарорга келгани йўқ. Трансфер амалга ошиши учун Мата «Манчестер Юнайтед» билан 2021 йилнинг ёзига қадар мўлжалланган шартномасини бекор қилиши лозим бўлади.
Мата 2014 йилдан буён манкунианлар сафида ҳаракат қилади. У 2020 йилги мавсумда Англия Лига Кубогининг иккита ўйинида иккита гол урди ва битта голли узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)