Испания терма жамоаси 10 октябрь, шанба куни Миллатлар Лигаси доирасида Швейцария терма жамоасини мағлубиятга учратди (1:0).
«Қизил фурия» кетма-кет 15 ўйиндан буён мағлубият нималигини билмай келмоқда. Уларда испанлар 11 ғалаба ва тўртта дуранг қайд этди. Сўнгги бор жамоа 2018 йилнинг ноябрь ойида Миллатлар Лигаси 5-тури доирасида Хорватияга (2:3) ютқазиб қўйганди.
Мағлубиятсиз серия қайд этиш бўйича айни дамдаги дунё рекорди Италия терма жамоасига тегишли. «Скуадра адзурра» кетма-кет 17 ўйиндан буён ютқазмай келмоқда. Италияликлар кейинги ўйинни 11 октябрь куни сафарда Польшага қарши ўтказади.
Бундан ташқари Испания терма жамоаси кетма-кет олтинчи уй учрашувида ўз дарвозаси дахлсизлигини сақлаб қолди (тўплар нисбати 25-0). Аввалроқ терма жамоа фақат бир марта бундан яхши натижага эришган: 2008–2009 йилларда кетма-кет саккизта уй ўйинида қуруқ серия қайд этилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)