Чилида COVID-19 тарқалишининг олдини олиш мақсадида 2020 йил март ойи охирида комендантлик соати ўрнатилди. Бироқ бунга ҳамма ҳам амал қилмайди. Соҳил бўйидаги Пуэрто-Сиснес шаҳри аҳолиси кўчада икки тонналик денгиз филини учратган, деб ёзади Esquire.
Афтидан, денгиз фили шаҳарда адашиб қолганга ўхшайди. Шу туфайли маҳаллий аҳоли, денгиз кучлари зобитлари ва полиция томонидан уни денгизга қайтаришда қутқарув ишлари олиб борилди. Бунинг учун жонзот қора брезент ёрдамида бошқарилиб, сувга олиб борилди.
Антарктида сувларида яшайдиган жанубий денгиз фили тюленлар оиласининг энг йирик вакили ҳисобланади. Эркак тюленларнинг узунлиги 6 метр ва оғирлиги 4 тоннагача бўлиши мумкин, урғочилари эса узунлиги 3 метргача ва оғирлиги 1 тоннадан камроқ бўлади.
Чили кўчаларида ёввойи ҳайвоннинг пайдо бўлиши биринчи марта эмас. Сўнгги ойларда мамлакат пойтахти – Сантьяго кўчаларида 7 та тоғ шерлари ушланди.
https://twitter.com/LavinJoaquin/status/1312048573756907521
Изоҳ (0)