«Манчестер Юнайтед» нима сабабдан «Боруссия Д» ярим ҳимоячиси Жейдон Санчони сотиб олишдан бош тортгани маълум бўлди.
The Guardian хабарига кўра, «Манчестер Юнайтед» англиялик футболчи учун умумий харажатларни, тахминан, 250 миллион еврога баҳолаган. Ушбу маблағ ичида «Боруссия»га тўланиши керак бўлган суммадан ташқари, агентлар улуши ва футболчининг маоши ҳам бор.
Манчестердагилар эса коронавирус пандемияси оқибатида келиб чиққан иқтисодий инқироз шароитида бундай пулни тўлаш ноўрин деб ҳисоблаган.
Қайд этиш жоиз, Санчонинг «Манчестер Юнайтед»га ўтиши тўғрисидаги гап-сўзлар бутун ёз давомида тинмади. Ҳатто унинг «қизил иблислар» билан шахсий келишувга эришгани ҳам хабар қилинди. Бироқ якунда Жейдон «Боруссия»да қолди. Унинг «арилар» билан амалдаги шартномаси 2022 йилга қадар мўлжалланган.
Изоҳ (0)