41 ёшли аёлда ҳомиладорликнинг 33-ҳафтасида кўкрак бези саратонининг 2-босқичи аниқланган. Она ва ҳомилани синчковлик билан текширгандан сўнг, мультидистиплинар кенгаш даволаш режасини ва кимётерапия схемасини ишлаб чиқди. Уч ҳафта ўтгач, бемор соғлом бола туғди. Уч ой ўтгандан кейин, кўкракни сақлаб қолиш бўйича жарроҳлик амалиёти ўтказилди, унинг давомида ўсма тўлиқ олиб ташланди. Эндиликда бу аёл икки фарзанднинг соғлом ва бахтли онаси.
Туркияда кўкрак бези саратонини даволаш соҳасида таниқли жарроҳ, профессор Джиҳан Урас шундай дейди: «Фанлараро ёндашув ҳар бир бемор учун тўғри ташхис қўйиш ва даволаш усулини танлашга имкон беради». 30 йилдан ортиқ тажрибага эга шифокор биринчилардан бўлиб жарроҳлик йўли билан даволашнинг энг янги усулларини қўллаган ва сенология (кўкрак саломатлиги ҳақидаги фан) соҳасида илмий тадқиқотлар билан шуғулланадиган Acıbadem сенология илмий-тадқиқот институтига бошчилик қилган.
Кўкрак бези саратонига чалинган беморларга илмий ишланмалар қандай ёрдам беради?
Кўкрак бези саратони – бу мураккаб касаллик бўлиб, ундан ҳар йили бутун дунё бўйича 2,1 миллион аёл азоб чекади. Бир хил ўсмалар бўлмайди. Барча илмий тадқиқотлар кўкрак бези саратонини ўрганиш ва яшаш давомийлигини оширишга қаратилган.
Джиҳан Ураснинг айтишича, 2 ва ундан юқори босқичдаги ўсмаларда (маҳаллий тарқалган кўкрак бези саратони) клиника шифокорлари даволашни жарроҳлик йўли билан бошлашни маъқул деб билишмайди. Улар янги метод – жарроҳлик амалиётидан олдин кимётерапия қўллашади.
Унинг афзалликларидан бири жарроҳлик амалиёти натижаларини яхшилашдир. Масалан, қўлтиқ ости соҳасига ўтган, маҳаллий тарқалган кўкрак бези саратонига чалинган беморда барча лимфа безларини олиб ташлашни талаб қилади. Бироқ кимётерапия эрта босқичларда безлардаги саратонни йўқ қилиши ва аввалги ҳолатига қайтариши мумкин. Агар эрта босқичларда без намунасининг таҳлили саратон ҳужайралари йўқлигини кўрсатадиган бўлса, барча лимфа безларини олиб ташлашга зарурият йўқ, бу эса лимфедема ривожланиш хавфини бутунлай йўқотади.
Бу сўнгги 3-4 йил ичида энг муҳим янгиликлардан бири.
Радикал мастектомиядан, кўкракни сақлаб қолиш бўйича жарроҳлик амалиётигача
«Биринчи навбатда, ҳар доим кўкракни сақлаб қолишни хоҳлаймиз», — дейди Джиҳан Урас. «Биз фақат ёмонсифатли қисми ва ўсмани олиб ташлаймиз, сўнгра онкопластик жарроҳлик амалиётини қўллаймиз, бу эса кўкракни қониқарли (косметик нуқтаи назардан) ҳолатда сақлаб қолишга имкон беради».
Баъзи ҳолларда, кўкракни тўлиқ олиб ташлашдан бошқа чора қолмайди: кеч (ўтказиб юборилган) босқичда ва бир нечта ўсма (ёмонсифатли бўлиши шарт эмас) турли жойларда жойлашганда.
Профессорнинг таъкидлашича, клиникада кўкракни тўлиқ олиб ташлашнинг 2 усули қўлланилади, улар сўрғич, атрофини ўраб турган соҳа ва терини сақлаб қолади. Амалиёт анъанавий усулда ҳам, эндоскоп ёрдамида ҳам амалга оширилиши мумкин. Ушбу соҳадаги сўнгги ютуқ — да Винcи робот тизимидан фойдаланган ҳолда кўкракда кесмаларсиз мастектомияни амалга ошириш. Қўлтиқ ости чуқурчасига кичкина кесма қилиб, барча тўқималарни олиб ташлаймиз, шундан сўнг пластик жарроҳ у орқали протез ўрнатади.
21-аср кўкрак бези саратони жарроҳлиги ўзида тиббиёт ва эстетикани бирлаштиради. Ҳаммаси бир вақтнинг ўзида амалга оширилади, тикланиш учун бемор тўқимаси ёки имплантатларни қўллаш мумкин.
Нурли терапия эволюцияси: 8 сеанс эмас, балки бир марталик доза
Нурли терапиядаги сўнгги ютуқлардан бири бу — ИОНТ (интраоперацион нурли терапия). Агар стандарт нурли терапиядан фойдаланганда, бемор 8 та сеансдан ўтиши керак бўлган бўлса, энди ИОНТ билан даволаниш учун биттаси етарли. Бу беморни 8 марта юқори дозадаги нурли терапияга йўлиқтиришдан сақлайди ва даволаниш давомийлигини қисқартиради.
Аcıбадем сенология институти – бу илғор даволаш усуллари
Шифокорнинг айтишича, Acıbadem сенология институти — бу жарроҳлик, тиббий ва нурли онкология соҳасида диагностика ва даволашнинг янги усуллари ишлаб чиқилаётган ва қўлланилаётган илмий марказ, бу эса тегишли даволашни белгилашга имкон беради.
Фақатгина сўнгги 5 йил ичида Acıbadem 20 дан ортиқ мамлакатдан келган деярли 3000 беморда кўкрак бези саратонини даволади.
Туркиядаги Acıbadem шифохоналарида даволанишга оид барча қизиқтирган саволлар бўйича Acıbadem нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак йўли мавзеси, 19-уй.
Телефон: (+99895) 144-54-45
Шунингдек, расмий сайт орқали барча керакли маълумотларга эга бўлишингиз мумкин: Аcibadem.russian
Реклама ҳуқуқи асосида.
Изоҳ (0)