УЕФА коронавирус пандемияси билан боғлиқ чеклов чораларини енгиллаштирмоқда.
Таъкидланишича, УЕФА ҳомийлигида ўтадиган ўйинлар пайтида стадионларга томошабинларни киритиш ҳақида қарор қабул қилинган. Ушбу ҳолатда стадионларнинг 30% ўриндиқларини мухлислар билан тўлдиришга рухсат берилган.
Журналист Роб Ҳарриснинг таъкидлашича, Чемпионлар Лигаси гуруҳ босқичи ўйинлари тақвими 2 октябрь куни эълон қилинади. Клубларга агар маҳаллий ҳокимият томонидан тақиқ бўлмаса, томошабинларнинг стадионга киритилиши мумкинлиги ҳақида хабардор қилинган. Меҳмон жамоаларнинг мухлислари эса аввалгидек ўйинларга қўйилмайди.
Мухлислар стадионларга келаси ҳафтадаёқ Миллатлар Лигаси доирасида ўтказиладиган ўйинларда ташриф буюриши мумкин. Чемпионлар Лигаси гуруҳ босқичининг 1-тур ўйинлари эса 20—21 октябрь кунлари бўлиб ўтади.
Изоҳ (0)