UEFA koronavirus pandemiyasi bilan bog‘liq cheklov choralarini yengillashtirmoqda.
Ta’kidlanishicha, UEFA homiyligida o‘tadigan o‘yinlar paytida stadionlarga tomoshabinlarni kiritish haqida qaror qabul qilingan. Ushbu holatda stadionlarning 30% o‘rindiqlarini muxlislar bilan to‘ldirishga ruxsat berilgan.
Jurnalist Rob Harrisning ta’kidlashicha, Chempionlar Ligasi guruh bosqichi o‘yinlari taqvimi 2-oktabr kuni e’lon qilinadi. Klublarga agar mahalliy hokimiyat tomonidan taqiq bo‘lmasa, tomoshabinlarning stadionga kiritilishi mumkinligi haqida xabardor qilingan. Mehmon jamoalarning muxlislari esa avvalgidek o‘yinlarga qo‘yilmaydi.
Muxlislar stadionlarga kelasi haftadayoq Millatlar Ligasi doirasida o‘tkaziladigan o‘yinlarda tashrif buyurishi mumkin. Chempionlar Ligasi guruh bosqichining 1-tur o‘yinlari esa 20—21-oktabr kunlari bo‘lib o‘tadi.
Izoh (0)