«Гарри Поттер» фильми актёрлари 20 йилдан сўнг қандай кўринишга эга? (фото)

Ёзувчи Жоанна Роулинг қаламига мансуб бесцеллер роман 2001—2011 йиллар давомида экранлаштирилган бўлиб жами 8 қисмдан иборат. Фильм актёрлари суратга олиш жараёнлари якунланганидан кейин ҳам карьерасини давом эттирганига қарамай мухлислар учун айнан мазкур фильмдаги роли билан севимли ҳисобланади.

Дэниэл Редклифф

Актёр «Гарри Поттер»нинг барча қисмларида суратга тушган. Суратга олиш жараёнлари якунланганидан кейин «Мутлақ ҳокимият», «Жунгли», «Претониядан қочиш» ва «Устаси фаранглар-2» фильмларида роль ижро қилган. Айни вақтда 31 ёшда бўлган Редклифф, ҳали оила қурмаган.

Эмма Уоцон

Фильмда Гермиона Грэйнжер ролини ижро қилган актриса «Мерлин билан 7 кун ва тун», «Соҳибжамол ва махлуқ», «Сфера», «Кичик аёллар фильмида суратга тушган. Шахсий ҳаёти ҳақида изоҳ беришни истамайдиган Уоцон, ўзи билан ўзи бахтли эканини таъкидлайди.

Руперт Гринт

Фильмда Гаррининг дўсти Рон Уизли қаҳрамонини гавдалантирган актёр, «Ой фирибгарлиги» фильми ҳамда «Катта ўлжа», «Хизматчи» сериалларида суратга тушган. У 2011 йилдан бери Жоржия Грум билан учрашади ва 2020 йилнинг майида ота бўлган.

Бонни Райт

Жинни Уизли қаҳрамонини гавдалантирган Бонни, бир неча йил давомида театрда роль ижро қилган ва қисқа метражли фильмларни суратга олган. Бундан ташқари «Денгиз», «Файласуфлар», «Ўйинчилар учун шоссе» фильмларида суратга тушган. Актриса ҳеч ким билан учрашмайди ва асосий вақтини карьераси учун сарфлайди.

Том Фелтон

Драко Малфой қаҳрамони билан яхши таниш бўлган актёр, «Маймунлар сайёраси қўзғалони», «Биринчи даражали қотиллик», «Меган Ливи» фильмлари ва «Флеш» сериалида суратга тушган. Актёрнинг ҳам шахсий ҳаётида ҳозирча ҳеч ким йўқ.

Метю Льюис

Бир неча йиллар аввал бола қаҳрамонлар ролини гавдалантирган актёрларнинг катта бўлгандаги сурати билан солиштириш ва Невил Лонгботтомни ҳаммадан ҳам яхшироқ кўринишга эга деб ҳисоблаш урфда бўлган. Актёр «Сен билан учрашгунча», «Синдикат» ва «Терминал» фильмларида роль ижро қилган. Актёр 2018 йилда Анжела Жонс билан турмуш қурган.

Рейф Файнс

Волан-де-Морт ролини ижро қилишдан аввал Рейф, «Шиндлер рўйхати» фильмидаги роли билан яхши таниш бўлган. Шундан кейин у «Гранд Будапешт меҳмонхонаси», «007: Спектр», Нуреев: оқ қарғалар» фильмида суратга тушган. 2021 йил февралда эса унинг иштирокидаги «Кингсмен: ибтидо» фильми премьераси бўлиши кутилмоқда. Актёр Алекс Кинстон билан турмуш қурган кейинчалик ажрашган.

Мегги Смит

Актриса фильмда Минерва Макгонагалл ролини ижро қилгунига қадар ҳам етарлича таниқли бўлган. Икки карра «Оскар» мукофоти совриндори «Даунтон Аббатлиги» сериали ҳамда «Мериголд меҳмонхонаси» ва «Фургондаги хоним» фильмларида роль ижро қилган. Икки марта турмуш қурган актрисанинг икки фарзанди ва беш нафар набираси бор.

Эванна Линч

Луна Лавгуд роли ижрочиси «Менинг исмим Эмили», «Жей Голливудда» фильмларида ҳам иштирок этган. Актриса турмушга чиқмаган ва фарзандлари йўқ.

Ҳелена Бонем Картер

Актрисанинг Беллатриса Лестрейнж ролидан кейин энг машҳур бўлган ижроси «Тож» сериалидаги малика Маргерет образи ҳисобланади. Бундан ташқари Ҳелена, «Золушка», «Суфражист» ҳамда «Алиса сеҳрли ойна ортида» фильмларида эсда қоларли қаҳрамонларни гавдалантирган. У 2001 йилдан 2015 йилгача режиссёр Тим Бертон билан учрашган ва ҳозирда икки фарзанднинг онаси.

Майкл Гембон

Албус Дамблдор роли билан яхши таниш бўлган актёр бундан аввал ҳам таниқли бўлган. Кейинчалик у «Вице-қиролнинг уйи», «Кингсмен: Олтин узук», «Жуди» фильмларида суратга тушган. Айни вақтда 80 ёшда бўлган актёрнинг биринчи турмушидан бир ўғли, иккинчи турмушидан эса икки нафар фарзанди бор.