Аллақачон модадан қолган ва кийиш тавсия этилмайдиган 10 та кўйлак (фото)

Аёллар гардеробидаги либослар, албатта, нафис, ҳар томонлама қулай ҳамда урфга монанд бўлиши зарур. Қуйида аллақачон тренддан қолган бўлса-да, кийим дўконларида сотилишда давом этаётган 10 та либос ҳақида маълумотга эга бўлишингиз мумкин.

Бурмали кўйлак

Бел қисмида бурмаси бўлган либослар тахминан олти йил аввал урфда бўлган. Аммо бу услубни унутиш вақти келди. Агар шундай бурмали либослар чиндан ҳам ёқса, уни янги бичимдаги либослар билан уйғунлаштириш мумкин.

Маллет либослар

Этакнинг олд қисми калта, орқаси эса узун либослар негадир ҳанузгача дизайнерлар томонидан тақдим этилмоқда. Бу каби либосларнинг кундалик ва зиёфат учун мўлжалланган турдагилари ҳам анча йиллар аввал оммалашган. Маллет либосини кийишни истаганлар бу борада мутахассис билан маслаҳатлашиб кўргани маъқул.

Шойи кўйлак

Шойи матосидан тикилган либослар ҳам урфда эмаслиги барчага аён, аммо кийим дўконларида бу каби либослар сотилишда давом этмоқда. Демак, уни харид қилаётган аёллар ҳам топилади. Лекин гул ва нақш урилган либослар бундан мустасно.

Қанот енгли либослар

Айнан ёз кунларида жуда қулай ҳисобланган либос. Афсуски, қанот енгли либослар ўрнига кенг ва фонар шаклидаги француз модели трендга кирган. Қанот енгли либослар эса кўпроқ қизалоқлар учун лойиқ кўрилмоқда.

Тўрли кўйлаклар

Тўрли кўйлакларни кийиш жуда қийин, сабаби бошқа либосларга нисбатан кўпроқ эҳтиёткорликни талаб этади. Шунингдек, тўлиқ тўрли либослар анча йиллар аввал урфдан қолди. Фақат тўй ва маросим либосларида безак учун қисман фойдаланилмоқда. Лекин асосий мато сифатида деярли фойдаланилмайди.

Лоласимон этакли кўйлаклар

Этак қисми лола шаклида бўлган либосларни ҳам гардеробдан чиқариш вақти келди. Айниқса, уни ингичка белбоғ билан кийиш аёллар орасида оммалашган эди. Ҳозирда эса унинг ўрнини босувчи замонавий либослар дизайнерлар томонидан тақдим этилмоқда.

Свитер либослар

Қоматга ёпишиб турувчи свитер кўйлакларнинг ҳам гардеробни тарк этиш вақти келди. Унинг ўрнини оверсайз услубидаги кенг либослар эгаллади. Айниқса, уларни кроссовка ёки пойабзал билан кийиш янги кўриниш ясайди.

Ёпишқоқ кўйлаклар

Бир пайтлар жозибадорликни ифодалаш учун кийилган бу либослар чиндан ҳам урфда эди, энди эса аксинча. Ҳозирда бундай либослардан юқори дидга эга ҳар қандай аёл қочади.

Ёқали либослар

Баъзи одамлар ёқали кўйлакларни расмий услубдаги либослар сирасига киритади. Эҳтимол, 10 йил аввал шундай бўлган бўлиши мумкин, аммо ҳозирда у мактаб ўқувчиси либосини эслатади.

Қўнғироқ этакли кўйлаклар

Юқори қисми тор, этаги қўнғироқ шаклидаги либослар ўтган асрнинг 50 йилларида оммалашган. Ушбу бичим урфдан қолган бўлса-да, нок шаклидаги қомат эгалари ҳанузгача бу қолипдаги либосларни кийишда давом этмоқда.