Дарсликлар тўплами учун ижара тўловларини ҳисоблаш тизимини тубдан такомиллаштириш, соддалаштириш ва ота-оналарга қулайликлар яратиш мақсадида 2020–2021-ўқув йилидан бошлаб, бир дона дарслик ёки машқ дафтари учун ягона ижара тўлови жорий қилинди. Бу ҳақда Халқ таълими вазирлигининг ахборот хизмати хабар берди.

Фото: «Дарё»

Бунда, бир дона дарслик ёки машқ дафтари учун ягона ижара тўлови 2200 сўм ҳисобланиб, тўплам таркибидаги дарсликлар ва машқ дафтарлари сонидан келиб чиқиб, синфлар ва таълим тиллари кесимида ижара тўлови миқдорлари белгиланди.

«Пандемия шароитидан келиб чиқиб, 2020–2021-ўқув йили учун истисно тариқасида умумтаълим муассасасида дарсликлар тўплами учун ижара тўловини амалга ошириш муддати 2020 йилнинг 10 октябригача узайтирилди. Шу билан биргаликда, ота-оналарда мазкур тўловни амалга ошириш билан боғлиқ муаммо мавжуд бўлса, ижара тўлови муддатини узайтириш тўғрисида умумтаълим муассасасига мурожаат қилишлари мумкин. Ижара тўлови муддати узайтирилган ҳолларда, мазкур тўловнинг 50 фоизи 10 октябргача, қолган қисми эса 30 ноябргача тўланиши лозим.

Давлатимиз томонидан ижтимоий ҳимояга муҳтож бўлган оилалардаги ўқувчиларни умумтаълим мактаб кутубхона жамғармаси томонидан дарсликлар тўплами билан бепул таъминлаш тартиби ўрнатилган.

Таъкидлаш жоизки, ўрнатилган тартибга асосан дарсликлар тўлиқ тўпламда ижарага берилади. Дарсликлар тўпламлари тўлиқ берилмаган ҳолатларда ота-оналар Қорақалпоғистон Республикаси халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармасининг ишонч телефонларига мурожаат қилишлари мумкин», – дейилади вазирлик хабарида.

Фото: Халқ таълими вазирлиги ахборот хизмати

Таълим ўзбек тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим рус тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим қозоқ тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим қирғиз тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим тожик тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим туркман тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати

Таълим қорақалпоқ тилида олиб бориладиган мактаблар учун дарсликларнинг ижара нархлари

Фото: Халқ таълими вазирлиги ахборот хизмати