ПСЖ ярим ҳимоячиси Анхель ди Мария Франция чемпионати 3-тури доирасида «Марсель»га қарши кечган учрашувдаги (0:1) ҳаракати учун жазоланди.
Ўйин вақтида аргентиналик футболчи «Марсель» ҳимоячиси Альваро Гонсалес томон тупурган. Бунинг натижасида Анхель 4 ўйинга дисквалификация қилинди.
ПЖС ҳужумчиси Неймар ва Гонсалес масаласи 30 сентябрь куни кўриб чиқилади.
Эслатиб ўтамиз, учрашув якунланиши арафасида икки жамоа футболчилари ўртасида юзага келган тортишув натижасида ПСЖдан Неймар, Леандро Паредес ва Левен Курзава четлатилган, «Марсель»дан эса Жордан Амави ва Дарио Бенедеттога қизил карточка кўрсатилганди.
Тартиб интизом қўмитаси қарорига кўра, энг узоқ муддатли дисквалификация Курзавага (6 та ўйин) берилган, Амави учта ўйиндан четлатилган, Неймар ва Паредес иккита учрашувга (ва битта шартли равишда) дисквалификация қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)