«Ростов» Россия чемпионатининг 7-турида «Локомотив» билан дуранг ўйнади.
Донликлар сафида тўп сураётган ўзбекистонлик ҳужумчи Элдор Шомуродов мазкур учрашувда ҳам гол ура олмади. Шу тариқа Элдорнинг голсиз серияси 16 та ўйинга етди. Шомуродов охирги марта 2019/20 йилги мавсумнинг 20-туридан ўрин олган «Ахмат»га қарши баҳсда ўз номига гол ёздириб қўйганди. Шундан сўнг у ортда қолган 16 турда (9 таси ўтган мавсумда, 7 таси эса жорий мавсумда) майдонни голсиз тарк этди.
«Ростов» ушбу натижадан сўнг 11 очко тўплаган ҳолда мусобақа жадвалида 7-ўринда бормоқда. Жамоа кейинги турда ўз майдонида «Ротор»ни қабул қилади.
Изоҳ (0)