Давлат солиқ хизмати органлари тизимида бир қатор тайинловлар амалга оширилди. Давлат солиқ қўмитаси буйруғига кўра 9 та туман давлат солиқ инспекцияси бошлиқлари тайинланди. Бу ҳақда ДСҚ матбуот хизмати хабар берди.
Сеитов Айдос Искендерович Қорақалпоғистон Республикаси Амударё тумани давлат солиқ инспекцияси бошлиғи этиб тайинланди.
Айдос Сеитов 1985 йилда Қорақалпоғистон Республикасида туғилган. Маълумоти олий. 2009 йилда Тошкент давлат аграр университетини «Иқтисодчи» мутахассислиги бўйича тамомлаган.
А.Сеитов мазкур лавозимга тайинлангунга қадар Қорақалпоғистон Республикаси давлат солиқ бошқармаси Юридик шахсларга хизмат кўрсатиш бўлими бошлиғи лавозимида ишлаётган эди. Солиқ органларидаги фаолиятини 2010 йилда Қорақалпоғистон Республикаси давлат солиқ бошқармасининг Рухсатнома бюро навбатчиси лавозимидан бошлаган. Айдос Сеитов Солиқ хизматининг III даражали маслаҳатчиси.
Қурбонов Лочинбек Иномидинович Андижон вилояти Избоскан тумани давлат солиқ инспекцияси бошлиғи лавозимига тайинланди.
Лочинбек Қурбонов 1988 йилда Андижон вилоятида туғилган. Маълумоти олий. 2010 йилда Андижон қишлоқ хўжалиги институти «Иқтисодчи» мутахассислиги бўйича тамомлаган.
Л.Қурбонов бундан аввал Андижон шаҳар давлат солиқ инспекцияси бошлиғининг биринчи ўринбосари лавозимида фаолият юритиб келаётган эди. Солиқ органларидаги фаолиятини 2011 йилда Андижон шаҳар ДСИ Юридик шахслар томонидан фойдаланилган электр энергияси учун тўлов муддати ўтган қарзларни йиғиш ва маблағларни тўлиқ тушишини назорат қилиш шўъбаси давлат солиқ инспекторлигидан бошлаган. Лочинбек Қурбонов Солиқ хизматининг I даражали маслаҳатчиси.
Аблазов Қобилжон Собирович Андижон вилояти Асака тумани давлат солиқ инспекцияси бошлиғи этиб тайинланди.
Қобилжон Аблазов 1972 йилда Андижон вилоятида туғилган. Маълумоти олий. 1997 йилда Фарғона политехника институтини «Иқтисодчи» мутахассислиги бўйича тамомлаган.
Қ.Аблазов бунгача қадар Андижон вилояти Асака тумани давлат солиқ инспекцияси Солиқ қарзини ундиришни ташкил қилиш бўлими давлат солиқ бош инспектори лавозимида ишлаган.
Мўминов Элмурод Иномович Андижон вилояти Улуғнор тумани давлат солиқ инспекцияси бошлиғи лавозимига тайинланди.
Элмурод Мўминов 1983 йилда Андижон вилоятида туғилган. Маълумоти олий. 2004 йилда Фарғона солиқ коллежини тамомлаган, 2008 йилда Солиқ академиясини «Солиқ ва солиққа тортиш» мутахассислиги бўйича тамомлаган.
Э.Мўминов янги лавозимга тайинлангунга қадар Андижон вилояти Шаҳрихон тумани давлат солиқ инспекцияси бошлиғи ўринбосари лавозимида ишлаётган эди. Солиқ органларидаги фаолиятини 2008 йилда Андижон вилояти Шаҳрихон тумани давлат солиқ инспекцияси Якка тартибдаги тадбиркорларга солиқ солиш шўъбаси бош инспекторлигидан бошлаган. Элмурод Мўминов Солиқ хизматининг III даражали маслаҳатчиси.
Умаров Орзумурод Файзуллаевич Навоий вилояти Кармана тумани давлат солиқ инспекцияси бошлиғи этиб тайинланди.
Орзумурод Умаров 1976 йилда Навоий вилоятида туғилган. Маълумоти олий. 2007 йил Самарқанд давлат архитектура-қурилиш институтини «Агроном ҳисобчи, автотранспорт корхоналари менежменти» мутахассислиги бўйича тамомлаган.
Умаров янги лавозимга тайинлангунга қадар Навоий вилояти Томди тумани давлат солиқ инспекцияси бошлиғи лавозимида фаолият юритаётган эди. Орзумурод Умаров Солиқ хизматининг II даражали маслаҳатчиси.
Бердиев Шерали Олтинович Навоий вилояти Томди тумани давлат солиқ инспекцияси бошлиғи этиб тайинланди.
Шерали Бердиев 1978 йилда Бухоро вилоятида туғилган. Маълумоти олий. 1997 йилда Бухоро кооператив техникумини тамомлаган. 2011 йилда Солиқ академиясини «Солиқ ва солиққа тортиш» мутахассислиги бўйича тугатган.
Бердиев бундан аввал Навоий вилояти Томди тумани давлат солиқ инспекцияси бошлиғи ўринбосари лавозимида ишлаб келаётган эди. Солиқ органларидаги фаолиятини 1999 йилда Навоий вилояти Навоий тумани давлат солиқ инспекцияси Жисмоний шахсларни солиққа тортиш бўлими участка давлат солиқ инспектори, катта инспектори лавозимидан бошлаган. Шерали Бердиев Солиқ хизматининг III даражали маслаҳатчиси.
Рўзимуродов Алижон Ҳамзаевич Навоий вилояти Хатирчи тумани давлат солиқ инспекцияси бошлиғи лавозимига тайинланди.
Алижон Рўзимуродов 1985 йилда Навоий вилоятида туғилган. Маълумоти олий. 2007 йилда Навоий давлат педагогика институтини, 2010 йилда Тошкент молия институтини «Солиқ ва солиққа тортиш» мутахассислиги бўйича тамомлаган.
Рўзимуродов бунга қадар Навоий вилояти давлат солиқ бошқармаси Кадрлар билан ишлаш бўлими бошлиғи лавозимида ишлаб келаётган эди. Солиқ органларидаги фаолиятини 2007 йилда Навоий шаҳар давлат солиқ инспекцияси иш юритувчиси сифатида бошлаган. Алижон Рўзимуродов Солиқ хизматининг III даражали маслаҳатчиси.
Бабабеков Воҳиджон Вахобович Фарғона вилояти Фарғона шаҳар давлат солиқ инспекцияси бошлиғи этиб тайинланди.
Воҳиджон Бабабеков 1977 йилда Фарғона вилоятида туғилган. Маълумоти олий. 1996 йилда Фарғона индустриал техникумини, 2006 йилда Фарғона политехника институтини «Бухгалтерия ҳисоби ва хўжалик таҳлили, молиячи» мутахассислиги бўйича тамомлаган.
Бабабеков бунга қадар Фарғона вилояти Марғилон шаҳар давлат солиқ инспекцияси бошлиғининг биринчи ўринбосари лавозимида ишлаб келаётган эди. Солиқ органларидаги фаолиятини 1996 йилда Фарғона вилояти Қува тумани давлат солиқ инспекцияси Ҳисоб-китоб, таҳлил ва солиқ статистикаси бўлими давлат солиқ инспекторлигидан бошлаган. Воҳиджон Бабабеков Солиқ хизматининг III даражали маслаҳатчиси.
Қорабоев Нурлибек Шакарбоевич Самарқанд вилояти Қўшработ тумани давлат солиқ инспекцияси бошлиғи этиб тайинланди.
Нурлибек Қорабоев 1985 йилда Самарқанд вилоятида туғилган. Маълумоти олий. 2008 йилда Самарқанд иқтисодиёт ва сервис институтини «Иқтисодиёт» мутахассислиги бўйича тамомлаган.
Н.Қорабоев бундан аввал Самарқанд вилояти Иштихон тумани давлат солиқ инспекцияси бошлиғининг биринчи ўринбосари лавозимида ишлаган. Солиқ органларидаги фаолиятини 2012 йилда Самарқанд вилояти Иштихон тумани давлат солиқ инспекцияси Юридик шахсларга солиқ солиш бўлими давлат солиқ инспекторлигидан бошлаган. Нурлибек Қорабоев Солиқ хизматининг I даражали инспектори.
2020 йил июнь ойида Оқдарё туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари вазифасида фаолият юритган Элёр Толлиев Самарқанд шаҳар давлат солиқ инспекцияси бошлиғи этиб тайинланган, июлда эса Оловуддин Иноғомовнинг Самарқанд вилояти давлат солиқ бошқармасига раҳбар бўлгани ҳақида хабар берилганди.
Изоҳ (0)