Самарқанд шаҳрида ўқ-дори сотган шахс қўлга олинди, деб хабар бермоқда ИИВ матбуот хизмати.
Қайд этилишича, 3 сентябрь куни Самарқанд шаҳри бўйича Ички ишлар органлари фаолиятини мувофиқлаштириш бошқармаси 5-сонли ИИБ Жиноят қидирув бошқармаси ходимлари томонидан тезкор тадбир ўтказилган.
Тадбирда Самарқанд шаҳар Амир Темур кўчасида яшовчи, 1976 йилда туғилган О.Т. Ў. исмли шахсга икки дона 16 калибрли ва икки дона 12 калибрли ўқ-дори (патрон)ни 100 долларга ноқонуний равишда сотган вақтида қўлга олинган.
Ҳолат юзасидан Жиноят кодексининг 248-моддаси (қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) 3-қисми билан жиноят иши қўзғатилиб, тергов ҳаракатлари олиб борилмоқда. Ушбу моддада назарда тутилган буюмларни ўз ихтиёри билан топширган шахс жавобгарликдан озод қилинади.
Ҳолат юзасидан Жиноят кодексининг 248-моддаси 3-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)