Ўзбекистон Ташқи ишлар вазирлиги 2 сентябрь ҳолатига кўра хориждан келувчилар учун санитария-эпидемиология талаблари мавжуд бўлган 49 та мамлакатдан иборат рўйхатни тақдим этди.
Унда ўзбекистонликларнинг хорижий давлатларга, шу жумладан, ўқиш мақсадида кириши учун қўйиладиган асосий талаблар баён этилган. Мамлакатдан чиқиб кетишни истаганлар Ўзбекистон билан тўғридан-тўғри мунтазам авиапарвозлар бор-йўқлигини ҳам текшириши мумкин
Вазирлик Ўзбекистондан чиқиб кетишдан олдин борадиган мамлакатга кириш талабларини дипломатик ваколатхоналар орқали батафсил аниқлаштириш ва борадиган мамлакатга кириш ҳуқуқини берадиган асослар мавжудлигига ишонч ҳосил қилишни тавсия этган.
Эслатиб ўтамиз, Uzbekistan Airways 16 августдан 31 августгача халқаро қатновларнинг ва маҳаллий йўналишлар бўйича мунтазам парвозларнинг бир қисми мажбурий бекор қилинган эди. Компания сентябрдан бошлаб бешта давлат билан мунтазам халқаро авиапарвозларни тиклашини маълум қилган.
Изоҳ (0)