Фарғона вилояти Бешариқ туманида фуқарони Қўқон давлат педагогика институтига 5000 АҚШ доллари эвазига ўқишга киритиб қўймоқчи бўлган шахс қўлга олинди. Бу ҳақда Бош прокуратура «Дарё»га хабар қилди.
Қайд этилишича, Бош прокуратура ҳузуридаги департаментнинг Бешариқ туман бўлими ҳамда ИИБ ходимлари томонидан тезкор тадбир ўтказилган. Тадбир давомида фуқаро Ш.Т. фирибгарлик йўли билан даромад орттириш мақсадида фуқаро Н.У.нинг ишончига кириб, уни юқори лавозимда ишловчи танишлари орқали Қўқон давлат педагогика институтига ўқишга киритиб қўйиш эвазига 5000 АҚШ долларини олган вақтида ашёвий далил билан ушланган.
Мазкур ҳолат юзасидан Ш.Т.га нисбатан Жиноят кодексининг 168-моддаси 2-қисми «а» банди (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкент давлат иқтисодиёт университетига 1300 доллар эвазига ўқишга киритиб қўйишни ваъда қилган сиртқи бўлим ходими ушланди
- Каттақўрғонда фуқарони Миллий гвардия институтига киритиб қўйиш эвазига 8000 доллар сўраган шахс қўлга тушди
- Андижон ва Хоразмда фуқароларни 4000 долларга ўқишга киритиб қўймоқчи бўлган фирибгарлар ушланди
Изоҳ (0)