Дэвид Блейн исмли иллюзионист «Янгиланиш» номли янги трюкни бажаришга киришиб, гелий шарлар ёрдамида парвоз қилди. Трансляция фокусчининг YouTube’даги канали орқали амалга оширилди.
Дастлаб Блейн Нью-Йорк ва Нью-Жерсини ажратиб турувчи Гудзон дарёси устидан учиб ўтишга қарор қилган. Бироқ ноқулай об-ҳаво шароити сабабли парвозни ўзгартиришга тўғри келган. Эндиликда иллюзионист Аризонада 5,5 километр баландликка эришиш ниятида.
TJournal’нинг ёзишича, трансляция Блейн ва унинг қизи Дессининг учиш майдончасида пайдо бўлиши билан бошланган. Шоуменнинг сўзларига кўра, у қизи дунёга келгач, кенг кўламли ва хавфли трюкларни ташкиллаштиришни тўхтатган, бироқ энди «Янгиланиш» ўзини илҳомлантиришига умид қилмоқда. Блейн парвозни парашютсиз амалга оширган бўлиб, ундан фақатгина 3 минг метр баландликда фойдаланган.
Фокусчи трюкни бажариш учун курсларга қатнаган, профессионал парашютчи номига (бунинг учун камида 500 марта сакрашни амалга ошириш керак) ва керакли лицензияга эга бўлган.
Мазкур лойиҳа Блейннинг 2012 йилдан буён биринчи бор амалга оширган тўғридан-тўғри трансляцияси ҳисобланади. Ўшанда у олти метр баландликдан ўтган миллион волтли кучланиш устидаги колоннада 72 соат турган.
Изоҳ (0)