«Реал» ярим ҳимоячиси Марко Асенсио Испания терма жамоаси машғулотларида жароҳат олди.
Marca хабарига кўра, Асенсионинг тиззаси шикастланган. Қайта тикланиш учун бир неча кун дам олиш зарурлиги айтилмоқда. Ҳозирда Асенсио терма жамоани сафини тарк этган.
Таъкидлаш жоиз, Испания терма жамоаси Миллатлар Лигаси доирасида 3 сентябрь куни Германия, 6 сентябрда эса Украина терма жамоаси билан куч синашади.
Асенсио бундан олдинги жароҳатидан июнь ойида фориғ бўлганди. У ушбу жароҳати туфайли мавсумнинг катта қисмини ўтказиб юборишга мажбур бўлганди.
«Реал» академияси тарбияланувчиси бўлган Марко Асенсио Ла Лиганинг 2019/20 йилги мавсумида 9 та ўйин ўтказиб, 3 та гол ва 1 та голли узатмага муаллифлик қилди.
Марко Асенсио оддий гол уришни билмайди. Унинг ижросидаги шедевр голларни томоша қилинг (видео)
Изоҳ (0)