«Барселона» президентлигига номзод Виктор Фонт жамоани тарк этмоқчи бўлаётган Лионель Месси билан боғлиқ вазиятга ўз муносабатини билдирди.
Нима учун иш бу даражагача етиб келди? Яхши савол. «Барселона»ни яхши кўрадиган ҳар бир киши, бу қандай содир бўлганлигини ўзидан сўраши лозим. Жавоб беришга уриниб, муаммони ҳал қилишга ҳаракат қилишимиз мумкин. Месси клубни севади ва ғалаба қозонишни хоҳлайди, у бу ҳақида йиллар давомида гапириб келади. Аммо, афсуски, клуб ваъдасини бажара олмади ва рақобатбардош жамоа туза олмади.Қайд этиш жоиз, Месси ва клуб ўртасида зиддият авжига чиққан. Месси клубдан ўзини текинга қўйиб юборишни сўраётган бўлса, раҳбарият уни 700 миллион евродан камига сотмоқчи эмас. Сўнгги маълумотларга кўра, аргентиналик футболчи ҳатто жамоанинг мавсумолди машғулотларига ҳам келмаяпти.Месси кетгунига қадар унинг бу фикрдан қайтишига ҳар доим умид бор. Лекин бу эҳтимолдан анча йироқ. Унинг кетиши имкон қадар яхшироқ амалга ошишини таъминлашимиз керак.
Месси ва «Барселона» ўртасидаги чуқур алоқалар келажакда ҳам давом этиши учун сақланиб қолинади.
Лионелни сақлаш учун қўлимдан келганича ҳаракат қилардим. Аммо ҳозир у ва клуб ўртасидаги зиддиятни тугатиш зарур. Месси клубни, клуб эса Мессини яхши кўради, шунинг учун вазиятни мураккаблаштирмайлик.
Виктор Фонт, «Барселона» президентлигига номзод
Голлар тўплами:
Изоҳ (0)