«Реал» бош мураббийи Зинедин Зидан жамоа ярим ҳимоячиси Тони Кроос ҳақидаги фикрлари билан ўртоқлашди.
У шу қадар яхшики, «олтинчи рақам» позициясида, тоза ярим ҳимоячи ролида ва ҳатто «ўнинчи рақам» сифатида ҳаракат қила олади. Уни майдонга туширасан ва у ўз ўйинини топиб олади.Германиялик футболчи 2014 йилнинг ёзида «Бавария»дан мадридликлар сафига ўтган. Ла Лига 2019/20 йилги мавсумида Кроос 35 ўйин ўтказиб, 4 гол ва 5 та голли узатма амалга оширди.Хотиржамлик — унинг энг муҳим салоҳияти. У ҳаяжонланмайди ва зарба йўллаш учун дарвоза томон юришни яхши кўради, бироқ унга узатма бериш ҳам ёқади.
Ҳар икки оёқда осонликча ҳаракат қилиши мени ҳайрон қолдиради. Уни туғма чапақай деб ўйлаш мумкин.
Тони кўп гапирмайди. У жуда сокин ва вазмин, бироқ керакли вақтда ўз фикрлари билдира олади. Крооснинг иштироки ҳал қилувчи аҳамият касб этган кўплаб мунозаралар гувоҳига айланганман.
У жамоанинг тўрт сардори сафига кирмайди, бироқ кўплар жабҳаларда у сардор ҳисобланади. Майдонда туғма обрўйини кўрсатади. Уни ақл бовар қилмас футболчи ва ўз чизиғининг энг яхшиларидан бири сифатида эслаб қолишади.
«Реал»га энди келган вақтим Тонининг мураббийига айланганимдан жуда хурсанд бўлганман. Бу ҳақиқат. Нафақага чиққан вақтим Криштиану, Бэйл, Модрич ва Рамос каби футболчиларни шуғуллантирганим ҳақида ҳаммага айтиб юришим мумкин.
Аммо Тони Кроос билан ишлаганимни ҳам айтаман. Уни машғулотларда кўрганимда ўзгача таассурот оламан. У нақадар профессионал! У ҳақида гапириш — бу аллақандай машҳур инсон ҳақида фикр юритишга тенг.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)